نصيحة لكل فتاة {{{ ادخلى اضحكى}}}

بسم الله الرحمن الرحيم
الى اخواتى الاعزاء طبعا لقيت نصيحة على الفيس بوك واعجبتنى
اعجبتنى لانى ضحكت
ولان كل واحد محتاج للضحك فيحب ان تسعد الناس بضحكة منهم
خصوصا ان هذة الايام مفيهاش ضحك

الان هنقل لكم اللى على الفيس بوك
وهو الاتي

نصيحة لكل فتاة

كيف تصطادين عريساً و تحافظي عليه

بصوا يابنات:
......
*لو جالك عريس متقوليش لحد من صحباتك الحاجات دي بتتنظر وأنتي عارفه البنات
عينيها وحشة

*لو واحدة من صحباتك جبتلك عريس إوعي تشوفيه أو توافقي عليه لوكان عدل كانت خدته هي!

*هتقوليلى طب لو متجوزة

أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس بدل متسيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته..قاعد مش على بعضه..وشه إتخطف وبان عليه خيبة الأمل

إعرفي إنك معجبتيهوش ..إسبقي إنتي وقولي إنك رافضاه متخليش واحد زي ده يقول أنه
مش عاوزك

*متزعليش عليه ولا على غيره. الرجالة زي الأتوبيسات واحد عدّى التاني جاي وراه

*لو معجبتيش أكتر من واحد إوعي تحسي بالإحباط بكرة هيجي سيد سيدهم لحد عندك

*مهما كنتي وحشة متقلقيش فيه اللي أوحش منك وإتجوزوا

لو جه واحد والعملية مشيت تمام

الحمد لله الخطوبة تمت على خير اعزمى صحابك بئا وكل واحدة لسه مش اتخطبت منهم هتقولك مبروك تقوليلها عقبالك تقولك لا اصلى مش بفكر ف الموضوع ده دلوقتى وهى بينها وبين نفسها بتقول يا بنت المحظوظة اصطادى واحد ازاى

نيجى للى بعدهـا

*بصي ..عذبيه..طلعى عينه..بالأختصار : دوخيه الراجل يحب يلعب دور الصياد

(من ايام الكهف بعيد عنكم ما أتغيرش) البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني الراجل ميحبش كده أبدا طلعه عينه ولا تقولى ليه اى كلام حلو غير بالقطارة

*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

*لو سألك عرفتي حد قبلي قوليله لا حتى لو كنت اتعرفتى على رجالة مصر القديمة والجديدة

الماضى خلاص انتهى ااقفلى عليه الباب

*لو حاول يوقعك ويقولك بحب الصراحه وكده، وانا انسان متفهم وها اقدر برضه خليكي ناصحه أنت عمرك ما عرفتي راجل غير باباكي طبعا

*هيقولك هسامحك وده ماضي

متصدقيش برضه الرجاله قلبهم أسود وهيمسكها لك ذله العمر كله وعمره مهينسى انك عرفتى حد قبله

وطول فترة الخطوبة الحنان والحب يطلع واحدة واحدة براحة مرة تشدى ومرة ترخى اوعى
تدلقى عليه

لغاية ما توصلى ليوم الفرح بئا وساعتها يكون دخل المصيدة وخلاص لا مفر

يلا مبروك مقدما ويا ريت اللى تصطاد واحد تشوفلنا صاحبه اى نظاموا انتوا عارفين الازمة

اليومين دول عاملة ازاى

هههههههههههههههههههههههههههههههههه

جميل نجمه كويس انك عرفتنى الخطوات علشان نعمل حسابنا احنا كمان
بس بجد تحفه تسليم ايدكى

Admin عدد المساهمات : 23 تاريخ التسجيل : 10/03/2011

ههههههههههههههه
الموضوع ابسط بكتير من كد يانكمه
فودفودان حلت لكم المشكله
دلوقتى فى خدمه جوزينى شكراا لطلب الخدمه اتصل على ست ستات من اى محمول ارضى او موبيبل
بس انا عارف المشكله دى ايه سببها من يوم الصين ما نزلت العروسه الصينى باسعار خياليه
والمنتج المصرى وقف حالوه ههههههههههه
على العموم موضوع ظريف جدا

ههههههههههههههههههه

ربنا يسعدك يارب بجد ضحكتينى جداااا

ربنا يصلح حال شباب وبنات المسلمين يارب وكلهم يتجوزا

بجد والله اسعدتونى جداا بتواجدكم
شكرا لكم كلا من طالب الشهادة وحزن ونور
شرفتو ونورتو موضوعى

كم انا سعيدة بتواجدكم